To get counseling support throughout your abortion
Stigma and information wey no correct about abortion care fit make am hard to get the kain information wey you need.
safe2choose get counseling team wey dem train well well and dem dey available for you from Monday to Friday We be international platform wey get counselors for different place for world. Our time wey we go reply your message go dey different, but we go answer any question wey you get.
Send us email anytime on top email@example.com
Live Chat counseling
Our counselors dey available on top Live Chat during the week. If you no find counselor online when you connect, abeg try anoda time, or send us email.
Our Virtual Assistant (dey come soon) fit answer your questions when you dey offline or if our counselors dey busy. If you still need support, abeg, try our chat for anoda time or send us email.
Wetin safe2choose abortion counselors dey give sef?
Women do dey always talk about wetin dey happen during abortion because, even though say people for world dey commot 25% of the belle wey dem carry, dem still dey stigmatize abortion.
To sabi how to do safe abortion na plenty work and e fit even confuse person sef. Abortion counseling go let you sabi all the option wey dey available for you. Our counseling team go hear your tori and give you all the information wey go fit your situation so that you go fit make the best decision for yourself.
Abortion counselors wey dem train well well fit answer any question, yarn about anything wey person dey feel, make sure say you dey safe, and support the person throughout the abortion.
Referral to on-the-ground partners
For some case, women fit do the abortion by diaself for house and dem go get the abortion medicine for hand, but for many case, women go need abortion counseling to either find the medicine or to find the person wey go do the abortion for dem inside clinic or post abortion care wey near dem.
If this kain thing happen, our partnership team go work to make sure say dem connect you privately to people wey dem trust and wey dem train well well all over the world. We no dey collect anyhow people for our program, so we dey make sure say the women wey we refer na good place dem go to get professional abortion and dem go share our value of respect, empathy and quality care wey we expect say every woman deserve.
safe2choose get female counsellors wey dem train well well to support with your abortion. safe2choose dey work with local abortion counsellors from all over the world to make sure say our counselling make sense for your situation. We don take steps to make sure say our counsellors fit help you for your own language. Our team dey speak more than 10 language: English, French, Spanish, Portuguese, Hindi, Punjabi, Arabic, Hebrew, Kiswahili and Wolof.
Our team dey use the latest peer-review evidence wey dey available abot abortion matter to guide you, and also dem dey take training everytime to take make dia skills beta, stay up-to-date with global safe abortion practice and research, and we dey handle hard matter.
When we dey do counselling we no dey judge. Anoda ear no go hear anything wey you go share with us and we go delete all our yarn with you once you no need our support again.